РАСЦІ, ХВОЙКА, РАСЦІ ВЯЛІКАЯ І СТРОЙНАЯ
18.04.2022Настаўнікі і вучні 8-х класаў ДУА “Сярэдняя школа №32
г. Брэста прынялі ўдзел у добраахвотніцкай акцыі “Тыдзень лесу – 2022”.
Удзельнікі акцыі пасадзілі каля васьмі тысяч маладых хвоек у раёне Мяднянскага лясніцтва Брэсцкага раёна.
Прадстаўнікі лясной гаспадаркі забяспечылі вучняў пасадачным матэрыялам, неабходным інвентаром, правялі інструктаж па тэхніцы бяспекі, а таксама па правільнай пасадцы саджанцаў.
Некалькі гадзін працы на свежым паветры – добры адпачынак і цудоўна зробленая разам справа!
Няхай растуць сабе хвойкі! Няхай аднаўляецца лес!
